Bresckaha aktyvista Andrusia Šarendu ŭ tralejbusie zatrymali amapaŭcy.
Pra heta Jeŭraradyjo raspaviała jaho žonka Palina Šarenda-Panasiuk. Zatrymańnie adbyłosia 16 studzienia prykładna ŭ 10.45. Małady čałaviek paśpieŭ patelefanavać dadomu i skazać, što jaho viazuć ŭ Maskoŭski RAUS.
«Jon skazaŭ, što jaho ŭ tralejbusie niedaloka ad chaty (mikrarajon Kavaloŭka) zatrymali. AMAP zatrymlivaŭ. Jon štości namiaknuŭ, što zatrymali b u kožnym razie, to bok niejkaja ŭstanoŭka była jaho zatrymać ci jašče štości».
Zaraz suviaź z aktyvistam adsutničaje. Nieviadoma, što stała pryčynaj zatrymańnia. Niekalki apošnich miesiacaŭ 16-ha ŭ Breście prachodzili akcyi salidarnaści z palitźniavolenymi. Palina Šarenda-Panasiuk miarkuje, što zatrymańnie muža moža być źviazana z hetym.
