Na Marsie adšukali stračany 12 hod tamu kaśmičny aparat
Marsijanski pasadačny modul «Bihl-2», što paśpiachova sieŭ na Mars 25 śniežnia 2003 hoda, ličyŭsia stračanym da 16 studzienia 2014 hoda, pieradaje The Telegraph.
Śpiecyjalisty NASA adšukali «Bihl-2» na zdymkach kamiery HiRISE, što ŭstalavanaja na borcie mižpłanietnaj aŭtamatyčnaj stancyi Mars Reconnaissance Orbiter.
«Bihl-2» paśpiachova pryziamliŭsia na Mars u miežach misii Jeŭrapiejskaha kaśmičnaha ahienctva «Mars-Ekspres». Ale paśla pasadki aparat nie vyjšaŭ na suviaź.
Ab niedaskanałaści aparatu papiaredžvali pierad zapuskam: padčas vyprabavańniaŭ pasadačnyja pavietranyja paduški razarvalisia, kanstrukcyju pryjšłosia pierarablać za miesiac da palotu, ad jakoha navat byli hatovyja admovicca. Ale jak pakazali zdymki HiRISE, pasadačnaja sistema vydatna spracavała: aparat udała sieŭ na raŭninie Izidy. Nie spracavaŭ mator, što musiŭ raskryć soniečnyja paneli, a biez raskrytych panelaŭ radyjoantena nie zmahła pačać pracu.
«Bihl-2» musiŭ prapracavać na Marsie 180 dzion. Jon byŭ pryznačany dla daśledavańnia hieałohii, klimatu i minierałohii, a taksama pošukaŭ žyćcia na Marsie. Prajekt finansavaŭsia ŭ asnoŭnym z pryvatnych krynic. Stvaralnik aparatu astrafizik Kolin Pilindžer źviarnuŭsia pa stvareńnie dyzajnu da bahaciejšaha ŭ śviecie mastaka Demjena Chiorsta. Rok-hurt Blur napisaŭ miełodyju, jakuju «Bihl-2» musiŭ prajhrać pry pasadcy.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary