U minskim mietro pačali pracavać 24 zony nadhladu pasažyraŭ, ich bahažu i bujnahabarytnaj ručnoj pakłažy. Pra heta paviedamiŭ pres-sakratar staličnaha mietrapalitena Andrej Kuźmin.
Zony nadhladu adkrylisia na stancyjach «Kastryčnickaja», «Kupałaŭskaja», «Płošča Pieramohi», «Płošča Lenina», «Instytut kultury», «Niamiha», «Spartyŭnaja», «Aŭtazavodskaja», «Praletarskaja», «Uručča», «Mahiloŭskaja», «Kamiennaja Horka», «Puškinskaja», «Płošča Jakuba Kołasa».
U kožnaj zonie ustalavany aračny šmatzonavy mietaładetektar (ramka), renthienahrafičny skaner, u vypadku nieabchodnaści mohuć prymianiacca partatyŭny hazaanalizatar i pieranosny łakalizatar vybuchu typu «Fantan», arhanizavanaja sistema videanazirańnia.
U bližejšy čas padobnyja zony adkryjuć jašče na čatyroch stancyjach: «Hrušaŭka», «Michałova», «Malinaŭka» i «Piatroŭščyna». A da kanca 2015 hoda płanujecca zaviaršyć abstalavańnie zon nadhladu na ŭsich stancyjach staličnaj padziemki.
Prava vybaračnaha nadhladu bahažu i ručnoj pakłažy pasažyraŭ mietrapalitena, zhodna z zakanadaŭstvam, pradastaŭlena supracoŭnikam upraŭleńnia ŭnutranych spraŭ pa achovie mietrapalitena i inśpiektaram słužby biaśpieki mietro. U vypadku admovy pasažyra ad prachodžańnia ahladu inśpiektar maje prava prapanavać jamu skarystacca inšym vidam transpartu.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary