Načalnik UDAI MUS Juryj Litvin padčas pramoj telefonnaj linii ŭ redakcyi haziety «SB. Biełaruś Siehodnia» vykazaŭsia pra kanfiskacyju mašyn u pjanych kiroŭcaŭ. Pa jaho słovach, u razy źmienšyłasia avaryjnaść z udziełam kiroŭcam napadpitku. «Jana [avaryjnaść] zastajecca, niama čaho chavać, my pra heta havorym… Z momantu ŭviadzieńnia normy [z 24 kastryčnika 2013] kanfiskavanyja 2400 aŭtamabilaŭ. Dumaju, heta značna źmienšyła ryzyku trapić u DTZ z udziełam ułaśnikaŭ hetych mašyn. U minułym hodzie ŭ krainie pa vinie pjanych kiroŭcaŭ zahinuli 88 čałaviek: heta na 40 pracentaŭ mienš, čym u papiarednim hodzie».
Načalnik DAI adznačyŭ, što z pavyšeńniem chutkasnaha režymu na šerahu tras, «zaŭvažnaha pavieličeńnia kolkaści DTZ na hetych učastkach z pavieličeńniem chutkasnaha režymu nie adbyłosia».
