Ukłaŭšy miljony dalaraŭ i navat viarnuŭšy ich niekatoruju častku ŭ ZŠA, Japonii, Indaniezii, Małajzii i Sinhapury, biełaruski biznesmen Vital Arbuzaŭ zacikaviŭsia Banhładeš
Saŭładalnik vienčurnaha fondu Fenox Venture Capital ź lutaha hetaha hoda sumiesna ź miascovym The Founder Institute pačynaje prajekt pa finansavańni pierśpiektyŭnych startapaŭ u hetaj krainie. Jaho i cikavaść partnioraŭ tradycyjna zasiarodžany na prajektach, jakija znachodziacca ŭ stadyi zapusku ŭ śfiery mabilnych prykładańniaŭ, karparatyŭnaha prahramnaha zabieśpiačeńnia i ličbavaj miedycyny.
Spačatku pretendenty na finansavańnie projduć 3,5-miesiačnuju stažyroŭku na bazie The Founder Institute, a paśla zakančeńnia samyja mocnyja startapy atrymajuć ad FVC pa 15 tys. dalaraŭ na dalejšaje raźvićcio.
Jak paviedamlajecca na sajcie FVC, inviestary płanujuć ukłaści ŭ banhładešskija startapy 200 młn dalaraŭ sa znoŭ sfarmavanaha fondu.
