Na Nacyjanalnym pravavym internet-partale apublikavali novuju redakcyju Zakona «Ab vajennym stanoviščy». Dakumient ustupaje ŭ siłu ź lutaha 2015 hoda.
U zakonie rehłamientujucca padstavy dla ŭviadzieńnia vajennaha stanovišča: vajennaja pahroza i napad.
Vajennaj pahrozaj pryznajecca, naprykład, abjava vajny Respublicy Biełaruś z boku inšaj dziaržavy (dziaržaŭ); kancentracyja Uzbrojenych sił inšaj dziaržavy (dziaržaŭ) uzdoŭž biełaruskaj dziaržaŭnaj miažy, jakaja pakazvaje na realny namier užyć uzbrojenuju siłu suprać niezaležnaści, terytaryjalnaj cełasnaści, suvierenitetu i (što ŭviedziena ŭ zakanadaŭstva ŭpieršyniu) kanstytucyjnaha ładu Biełarusi.
Akramia taho, pad vajennaj pahrozaj razumiejecca: ŭźniknieńnie ačahoŭ uzbrojenych kanfliktaŭ, nakiravanych suprać niezaležnaści, terytaryjalnaj cełasnaści, suvierenitetu i kanstytucyjnaha ładu Biełarusi; praviadzieńnie ŭ inšaj dziaržavie (dziaržavach) mabilizacyi ŭ metach napadu; zajavy i demanstracyja siły, jakija ažyćciaŭlajucca ŭ parušeńnie Statuta AAN i ŭkazvajuć na padrychtoŭku da napadu.
Pad napadam razumiejecca ŭvarvańnie Uzbrojenych sił inšaj dziaržavy abo dziaržaŭ na terytoryju Biełarusi ci vajennaja akupacyja, jaki b časovy charaktar jana ni nasiła. Taksama heta anieksija biełaruskaj terytoryi abo jaje častki z prymianieńniem uzbrojenaj siły; rakietna-avijacyjnyja ŭdary, što nanosiacca ŭzbrojenymi siłami inšaj dziaržavy (dziaržaŭ) abo prymianieńnie luboj inšaj zbroi suprać Respubliki Biełaruś i inšyja padobnyja dziejańni.
Pad napadam taksama majecca na ŭvazie zasyłka inšaj dziaržavaj ci dziaržavami na terytoryju Biełarusi uzbrojenych bandaŭ (hrup), irehularnych sił, najmitaŭ abo padraździaleńniaŭ rehularnych vojskaŭ, jakija prymianiajuć ŭzbrojenuju siłu suprać Respubliki Biełaruś.
Upieršyniu ŭ zakonie zamacavana, što napadam na Respubliku Biełaruś ličycca ahresija suprać luboha z členaŭ Arhanizacyi Damovy ab kalektyŭnaj biaśpiecy (Rasii, Armienii, Kazachstana, Tadžykistana abo Kyrhyzstana).
Vajennaje stanovišča ŭvodzicca ŭkazam prezidenta.
