Padarožnikam varta ŭžyvać antybijotyki dla lačeńnia dyjarei tolki ŭ ciažkich vypadkach, kažuć aŭtary daśledavańnia, jakoje było apublikavanaje 22 studzienia ŭ časopisie Clinical Infectious Diseases.
«Pieravažnaja bolšaść usich vypadkaŭ dyjarei padarožnikaŭ pieranosicca paraŭnalna lohka i nie patrabuje lekavańnia antybakteryjalnymi srodkami», — śćviardžaje doktar Anu Kantele, dacent kafiedry infiekcyjnych zachvorvańniaŭ z Chielsinkskaj univiersiteckaj lakarni ŭ Finlandyi.
Daśledniki pratestavali 430 ludziej ź Finlandyi da i paśla taho, jak jany vyjazdžali za miežy krainy. Prykładna adzin ź piaci tych, chto pabyvaŭ u trapičnych i subtrapičnych rehijonach, viarnuŭsia z ustojlivymi da antybijotykaŭ bakteryjami kišečnika.
Faktary ryzyki padchapić ustojlivych da antybijotykaŭ bakteryj kišečnika ŭklučajuć najaŭnaść dyjarei padarožnikaŭ i sprobu lekavać jaje antybijotykami. Bolš jak tracina padarožnikaŭ ź liku tych, chto prymaŭ antybijotyki dla lačeńnia dyjarei, viarnulisia dadomu z ustojlivymi da antybijotykaŭ bakteryjami, havorycca ŭ daśledavańni. Nazvanyja rehijony, źviazanyja z vysokaj ryzykaj: Paŭdniovaja, Uschodniaja dy Paŭdniova-Uschodniaja Azija, Paŭnočnaja Afryka i Blizki Uschod.
Ludzi, jakija atrymlivajuć ustojlivych da antybijotykaŭ bakteryj, nie majuć vidavočnych prablem. Ale jany ŭ jakaści nośbitaŭ hetaj trascy mohuć nieśviadoma raspaŭsiudzić niebiaśpiečnyja supierbakteryi ŭ svaich ułasnych krainach. «Bolš za 300 miljonaŭ čałaviek naviedvajuć hetyja rehijony z vysokaj ryzykaj kožny hod, — skazaŭ ekśpiert. — Kali prykładna 20 pracentaŭ ź ich viartajucca nośbitami supierbakteryj, heta sapraŭdy vielizarnaja kolkaść. Heta surjoznaja reč. Adzinym stanoŭčym momantam źjaŭlajecca toje, što kałanizacyja, jak praviła, časovaja i praciahvajecca kala 6 miesiacaŭ».
Padarožnikam varta bolš aściarožna stavicca da pryjomu antybijotykaŭ jak srodku dla lačeńnia dyjarei, vandroŭniki z dyjarejaj pavinny pić šmat vadkaści, vykarystoŭvać inšyja supraćdyjarejnyja leki i źviarnucca da lekara, kali jość takija simptomy, jak vysokaja tempieratura, kryvavy kał abo surjoznaje abiazvodžvańnie.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary