 |
Biełaruski interfejs źjaviŭsia ŭ Historyi pošukaŭ ad Huhłu. Ciapier statystyka vašuch pošukaŭ, tendencyi jakija prysutničajuć u vašych zacikaŭleńniach moža supravadžacca paradami i zaŭvahami pa-biełarusku. Kali vy zarehistravany karystalnik Huhłu, naprykład majecie rachunak na gmail-e, možna pahladzieć heta na http://www.google.com/history.
Akramia taho, pry nabirańni dastatkovaj statystyki, tut vy možacie pabačyć niadaŭnija papularnyja zapyty, blizkija da vašych pošukaŭ i vieb-staronki blizkija da vašych pošukaŭ. Hałoŭnaja ž ideja hetaha praduktu - pry źbirańni vašaj historyi vyznačać nakirunak vašaha intaresu, i tym spryjać bolš trapnamu dla vas pošuku.
A dla paranoikaŭ praduhledžana mahčymaść spynić źbirańnie statystyki.
Pierakład rabiŭsia namahańniami vałancioraŭ.
Siarod inšych praduktaŭ ad Huhłu, jakija čakajuć svajho źjaŭleńnia ź biełaruskaj versijaj heta Gmail. Ułasna pierakład dla jaho byŭ zrobleny blizu hodu tamu, ad huhłu navat pryjšoŭ list, u jakim śćviardžałasia, što jany praviarajuć pierakład, i jon nieŭzabavie źjavicca on-łajn, treba krychu pačakać.
Ci viedaje chto-niebudź, jakija ŭ ich jość mahčymaści praviarać pierakłady ŭsich movaŭ, jakija jany padtrymlivajuć?
