Klip «Tolki čakaj» stvaraje novuju ŭkrainskaju muzyčnuju vajennuju liryku
Ukrainski śpiavak Uładzisłaŭ Lavicki z režysioram Tarasam Chimičam zapisali klip, u jakim hučyć manałoh žaŭniera da svajoj kachanaj.
Pieśnia adnačasova hučyć i ŭ sučasnaści, i ŭ anturažy Pieršaj suśvietnaj vajny, kali suprać Rasijskaj impieryi vajavaŭ u składzie aŭstra-vienhierskaj armii Ukrainski dobraachvotnicki lehijon.
Uładzisłaŭ Lavicki pachodzić sa Lvova, byŭ łaŭreatam konkursa «Novaja chvala 2009» u Jurmale, finalistam padčas nacyjanalnaha adboru na konkurs «Jeŭrabačańnie» u 2010 i 2011 hadach.
Ukrainski dobraachvotnicki lehijon (Ukrainskija siečavyja stralcy) farmavaŭsia na asnovie nacyjanalnych vajenizavanych arhanizacyj «Sokał» i «Płast» u Halicyi. Paśla Pieršaj suśvietnaj vajny bajcy USS skłali adnyja z najbolš bajazdolnych farmavańniaŭ Ukrainskaj Narodnaj Respubliki, a taksama Zachodnie-Ukrainskaj Narodnaj Respubliki.
Vierahodna, u klipie pakazana adna z najbolš kryvavych apieracyj, u jakich udzielničaŭ ukrainski lehijon, — doŭhaja abarona ad rasijskich vojskaŭ hary Makaŭka viasnoj 1915 hoda. U ŭkrainskaj patryjatyčnaj histaryjahrafii bai za haru Makaŭka stali adnym ź pieršych simvałaŭ zmahańnia za ŭkrainskuju niezaležnaść najnoŭšaha času.
Kamientary