U vyniku psychijatryčnaj ekspertyzy dysydenta ź Niaśviža Alaksandra Krutoha pryznali psychična chvorym i pradpisali jamu prymusovaje lačeńnie. Pra heta paviedamiła advakatka Alaksandra Krutoha Marjana Siamieška. Pavodle jaje słovaŭ 22 studzienia a 14 hadzinie ŭ Niaśvižy pačniecca sud, jaki razhledzić pytańnie ab nieabchodnaści prymianieńnia ŭ dačynieńni sp. Krutoha prymusovaha lačeńnia.
Nahadajem, što kryminalnuju spravu pavodle art. 368 KK u dačynieńni dysydenta ź Niaśvižu raspačali ŭ traŭni 2003 h. A. Krutomu zakidali publičnuju abrazu kiraŭnika dziaržavy — nibyta jon raspaŭsiudžvaŭ ulotki źniavažlivaha źmiestu. U siaredzinie kastryčnika Alaksandra zatrymali ŭ Miensku i advieźli ŭ Niaśviž, dzie pratrymali troje sutak. Zatym jaho źmiaścili ŭ Žodzinskim SIZA.
