Palaki, ukraincy i biełarusy pikietavali rasijskaje pasolstva ŭ Varšavie
Pikietoŭcy — ich było kala sta čałaviek — trymali ŭ rukach ukrainskija, polskija, biełaruskija ściahi, płakaty «Pucin — sponsar teraryzmu», «Rasijanie, vam nie soramna?», a taksama ahučvali łozunhi: «Pucin — teraryst», «Kijeŭ-Varšava — supolnaja sprava».
Udzielnica pratestu, rasijanka Maša Makarava padkreśliła, što jana nie choča vieryć haniebnym navinam z Rasii: «Ja vyjšła siudy jak rasijanka, jakaja choča svabody dla svajoj krainy, i liču, što svabodnaja i demakratyčnaja Rasija źjaŭlajecca nadziejaj dla tych krain, jakija źjaŭlajucca našymi susiedziami, — Ukrainy, Biełarusi, inšych susiedziaŭ. Tolki mirnaja Rasija źjaŭlajecca harantyjaj miru i spakoju ŭ hetaj krainie», — padkreśliła Makarava.
Jana padkreśliła, što znachodzicca tut taksama ŭ žeście salidarnaści sa svajoj ziamlačkaj — maci siemiarych dziaciej Śviatłanaj Davydavaj z Smalenskaj vobłaści, jakaja była zatrymanaja za nibyta dziaržaŭnuju zdradu za toje, što jana paviedamiła ŭ pasolstva Ukrainy pra toje, što ŭ krasaviku minułaha hoda častku HRU z horada, dzie jana žyvie, pierakinuli na Danbas.
Kamientary