Sud nad Anatolem Labiedźkam i inšymi udzielnikami akcyi z žurnalistami Charlie Hebdo, pryznačany na 4 lutaha, admienieny.
«Pavodle infarmacyi, pradstaŭlenaj Minskim haradskim sudom, paviedamlajem, što materyjały administracyjnych spraŭ u dačynieńni da ŭdzielnikaŭ akcyi 11 studzienia kala ambasady Francyi, nakiravanyja ŭ RUUS dla likvidacyi vyjaŭlenych niedachopaŭ. Sudovaje pasiadžeńnie, raniej pryznačanaje na 4 lutaha 2015 hoda sudom Centralnaha rajona, nie adbudziecca», — paviedamlajecca na sajcie Viarchoŭnaha suda Biełarusi.
Nahadajem, što 11 studzienia čatyry čałavieki, siarod jakich byli Anatol Labiedźka i Paŭluk Kanavalčyk, zładzili la pasolstva Francyi ŭ Minsku akcyju salidarnaści z francuzskimi žurnalistami, zabitymi padčas napadu radykalnych isłamistaŭ na redakcyju satyryčnaha štotydniovika Charlie Hebdo. Labiedźka i inšyja stajali la pasolstva z tabličkami Je suis Charlie. U hety ž dzień u Paryžy prajšoŭ Marš miru, jaki sabraŭ mnohich palityčnych lidaraŭ pad tym samym łozunham. Biełaruś na maršy pradstaŭlaŭ pasoł Pavał Łatuška.
Praź niekatory čas na ŭdzielnikaŭ minskaj akcyi byli składzieny administracyjnyja pratakoły — pikietoŭcy parušyli paradak praviadzieńnia masavych akcyj. 4 lutaha musili adbycca sudy.
Adnak padčas pres-kanfierencyi Łukašenki dla biełaruskich ŚMI 29 studzienia žurnalistka Bi-Bi-Si Taćciana Mielničuk spytała pra los pikietoŭcaŭ. Łukašenka daručyŭ staršyni Administracyi prezidenta Kosincu razabracca ź situacyjaj, bo nie paličyŭ vychad čatyroch čałaviek na akcyju «prablemaj».
Ciapier čytajuć
Što Babaryka i Kaleśnikava adkazali na pytańni pra vajnu111
Kamientary