Lelčycki RAUS ustanaŭlivaje asobu ekshibicyjanista, jaki z 2013 hoda ŭčyniaje ŭ rajcentry raspusnyja dziejańni pieravažna pierad niepaŭnaletnimi dziaŭčynkami.
Jak paviedamili BiełaPAN u Lelčyckim RAUS, apošni raz padobnyja fakty byli zafiksavanyja 27 studzienia. Pryblizna ŭ 7.55 kala škoły № 1 rajcentra achviarami ekshibicyjanista stali dźvie 12-hadovyja dziaŭčynki.
Raspačataja sprava na padstavie artykuła 169 KK (raspusnyja dziejańni). Sankcyi artykuła praduhledžvajuć aryšt da šaści miesiacaŭ ci pazbaŭleńnie voli ad adnaho da troch hadoŭ.
Milicyja prosić hramadzian, jakija majuć infarmacyju pra asobu, što ŭčyniaje vyšejukazanyja dziejańni, paviedamić pra heta ŭ Lelčycki RAUS pa telefonie dziažurnaj častki, mabilnym numary 8-029-3238409 ci na liniju 102.
Prykmiety mužčyny: na vyhlad 30-40 hadoŭ, karžakavaty, byŭ apranuty ŭ kamuflažnuju kurtku i štany, pieramiaščaŭsia na viełasipiedzie.
