Staličnyja milicyjanty likvidavali internet-kramu, jakaja handlavała psichatropami, a taksama vyjavili pastaŭščyka reahientaŭ dla jaje funkcyjanavańnia. Troje padazravanych zatrymanyja.
Spačatku za zbyt kurylnych sumiesiaŭ praź internet zatrymali niepracujučaha minčuka i jaho siabra z Mahiloŭskaj vobłaści. Maładyja ludzi atrymlivali partyi ŭžo hatovaha da ŭžyvańnia tavaru, fasavali jaho na dozy i potym pradavali.
U stalicy chłopcy zdymali kvateru. Tam znajšli kala 200 h hatovych rečyvaŭ, elektronnyja vahi i inšyja pradmiety, nieabchodnyja dla fasoŭki. Zatrymanyja «absłuhoŭvali» kala 40 schovanak, u jakich zakładvali hatovy spajs.
U chodzie praviadzieńnia dalejšych apieratyŭna-vyšukovych mierapryjemstvaŭ supracoŭniki narkakantrolu zatrymali i treciaha fihuranta spravy, jaki ažyćciaŭlaŭ zakładki reahientaŭ dla vyrabu kurylnych sumiesiaŭ. Schovanka z reahientami znachodziłasia ŭ staroj vykarystanaj aŭtamabilnaj šynie kala doma pa vulicy Jankoŭskaha. Ahulnaja vaha rečyva, jakoje znachodziłasia ŭ joj — 170 h. U skrutku byli try roznych rečyva dla nastupnaha vyrabu psichatropaŭ.
Treci zatrymany zdymaŭ kvateru na zavułku Adzincova. Tam milicyjanty znajšli ŭžo bolš za 1 kh paraškapadobnaha rečyva, a taksama 8 kh raślinnaj asnovy dla vyrabu kurylnych sumiesiaŭ. Z takoj kolkaści reahienta možna było vyrabić 25 tysiač doz spajsu. Prybytak ad realizacyi hatovaj pradukcyi moh skłaści kala 3 młrd rubloŭ, paviedamlaje pres-słužba HUUS Minharvykankama.
Jak adznačyli va ŭpraŭleńni pa narkakantroli i supraćdziejańni handlu ludźmi (UNiSHŁ) HUUS, zatrymany byŭ bujnym aptavikom. Tavar jon pryvoziŭ z Rasii, dalej zbyvaŭ u Minsku praź internet. Pry hetym mužčyna nie byŭ studentam ci biespracoŭnym – vyśvietliłasia, što jon dyrektar adnoj z pryvatnych firmaŭ.
Zaraz pravodzicca pravierka, ŭstaloŭvajucca ŭsie detali spravy. Ale terminy padazravanym pahražajuć surjoznyja – jany mohuć atrymać da 15 hadoŭ źniavoleńnia.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary