Spadarožnik našaj płaniety nikoli nie pavaročvajecca da Ziamli svaim druhim tvaram. Chiba takim čynam — na videa kaśmičnaha ahienctva.
U pieršaj pałovie videa advarotny bok Miesiaca pakazany niby z teleskopa, u druhoj — niby praz šyrokavuholnuju kamieru. Miesiac na videa nieruchomy adnosna hledača, zdajecca, što Ziamla i Sonca abaročvajucca vakoł jaho.
Dla pakazu advarotnaha boku miesiaca byli skarystanyja zdymki zonda Lunar Reconnaissance Orbiter. Na ich vyrazna bačny ŭ tym liku paŭdniovy basiejn, jaki ličycca adnym z najvialikšych i najstarejšych śladoŭ sutyknieńnia ŭ Soniečnaj sistemie.
Advarotny bok Miesiaca nie pabačyć ź Ziamli — spadarožnik zaŭsiody paviernuty da nas adnym i tym ža «tvaram». Upieršyniu čałaviectva pabačyła inšaje paŭšarje Miesiaca ŭ 1959 hodzie na fota savieckaha aparatu «Łuna-3». Zahadkavaść niabačnaha boku spadarožnika daŭno vabiła fantastaŭ — i vabić dahetul. Na ciomnym boku Miesiaca i zaraz sielać to transformieraŭ, to nacystaŭ, što ŭciakli ź Ziamli. Adzin z najlepšych rok-albomaŭ u historyi čałaviectva nosić nazvu «Ciomny bok miesiaca».
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary