![](http://nashaniva.com/img/w732d4webp1/photos/z_2015_02/par150211.jpg.webp)
Hetaj nočču prezident Ukrainy Piatro Parašenka naviedaŭ horad Kramatorsk Danieckaj vobłaści, jaki 10 lutaha abstralali bajeviki, u vyniku zahinuli 16 čałaviek, bolš za 60 byli paranienyja. Kiraŭnik dziaržavy ahledzieŭ miesca trahiedyi i naviedaŭ paranienych u vyniku rakietnaha abstrełu, paviedamlaje jaho pres-słužba.
«Heta dokazy prymianieńnia kasietnych bojeprypasaŭ suprać cyvilnaha nasielnictva horada Kramatorsk, u samym jaho centry. U mianie ŭ rukach elemient kasietnaha bojeprypasu «Śmierč», jaki maje radyus prymianieńnia da 90 km. Nieludzi vykarystoŭvajuć suprać cyvilnaha nasielnictva kasietnyja bojeprypasy. Hetyja dokazy buduć vykarystany, u tym liku i mnoj, u Minsku i ŭ Radzie Jeŭrapiejskaha Sajuza», — padkreśliŭ prezident Ukrainy.
U čas naviedvańnia haradskoj balnicy, u jaki znachodziacca paciarpiełyja, Parašenka, u pryvatnaści, skazaŭ: «Tut u pałacie lažyć maleńki chłopčyk 3 hadoŭ. Jamu dobryja daktary vyratavali žyćcio i vyratavali ruku, jakaja była amal adarvanaja. A jaho mama zahinuła, prykryŭšy jaho svaim ciełam. Chłopčyku ŭsiaho try hady i jon pra heta jašče nie viedaje… ».
«My patrabujem miru bieź jakich-niebudź umoŭ. My patrabujem spynić ahoń, vyvieści zamiežnyja vojski, začynić miažu. Im niama, što tut rabić. U nas niama nijakaha kanfliktu. My znojdziem kampramis unutry krainy.
My pavinny abaranić mir, abaranić spakoj horada Kramatorsk, pavinny abaranić Ukrainu. I mienavita tamu ja jedu ŭ Minsk, kab nieadkładna, biezumoŭna, bieź jakich-niebudź umoŭ spynić ahoń i pačać palityčny dyjałoh. My sami raźbiaremsia», — padkreśliŭ kiraŭnik dziaržavy.
U čas rabočaj pajezdki Piatra Parašenku supravadžaŭ viadomy francuzski hramadski dziejač, režysior, piśmieńnik i fiłosaf Biernar-Anry Levi, jaki byŭ šakavany ŭbačanym u Kramatorsku.
Vizit Piatra Parašenki ŭ Kramatorsk zaviaršyŭsia 11 lutaha kala 2:00 nočy.
Kamientary