SpaceX znoŭ nie zdoleła miakka pasadzić šmatrazovuju rakietu
Pasadka nie vyjšła miakkaj praz nadvorje, tłumačyć Space.com.
Pryvatnaja kampanija SpaceX u sieradu paśpiachova zapuściła spadarožnik DSCOVR, što budzie sačyć za aktyŭnaściu Sonca. Zapusk mieŭsia stać histaryčnym: kampanija znoŭ źbirałasia miakka pasadzić stupień rakiety Falcon 9 na marskuju płatformu.
Ad płanu ź miakkaj pasadkaj pryjšłosia admovicca praź ciažkija ŭmovy nadvorja. Rakieta pryvadniłasia prosta ŭ mora — miarkujučy pa fota z tvitara zasnavalnika SpaceX Ełana Maska, zusim nie miakka.
Ale sam Mask vynikami zadavoleny: pasadka adbyłasia viertykalna i ŭsiaho ŭ 10 mietrach ad płatformy. Pry dobrym nadvorji, na jaho dumku, daskanałaja pasadka davoli vierahodnaja.
Papiaredniaja sproba miakkaj pasadki šmatrazovaj rakiety prajšła 10 studzienia. Jana prajšła niedaskanała — niekatoraje abstalavańnie płatformy pryjšłosia ramantavać. Ełan Mask nazvaŭ i heta dobrym vynikam.
Kali ŭ SpaceX atrymajecca naładzić stabilna paśpiachovyja pasadki šmatrazovych rakiet, kaśmičnyja paloty mohuć zaŭvažna ŭpaści ŭ canie.
Kamientary