Paśla 12:00 adbyŭsia vychad kiraŭnika Rasii Uładzimira Pucina da žurnalistaŭ.
Pucin zajaviŭ, što Kijeŭ admaŭlajecca razmaŭlać naŭprost z kiraŭnikami «ŁNR» i «DNR».
Pucin dadaŭ, što było damoŭlena, što z 00:00 15 lutaha budzie spynieny ahoń, a taksama zajaviŭ pra nieabchodnaść kanstytucyjnaj reformy na Danbasie.
Budzie ŭličvacca ŭviadzieńnie ŭ dziejańnie pahadnieńniaŭ pra asablivy status terytoryj, a taksama humanitanyja pytańni, dadaŭ Pucin.
«Budziem sychodzić z taho, što ŭsie baki prajaviać strymanaść», — skazaŭ jon.
Kiraŭnik Rasii zaklikaŭ zrabić usio dla taho, kab raźviadzieńnie vojsk prajšło biez krovapralićcia.
Pucin skazaŭ, što padpisany adzin dakumient «Kompleks mier, skiravanych na implentacyju minskich damoŭlenaściej».
Pucin dadaŭ, paśla zaŭvahi jaho pres-sakratara Dźmitryja Piaskova, što adzin dakumient «nie padpisny» — sumiesny dakumient kiraŭnikoŭ Francyi, Rasii, Ukrainy i kanclera Hiermanii, što «my padtrymlivajem hety praces [miru]».
Pucin u chole razmaŭlaje z pasłom Surykavym i ministram Łaŭrovym, potym paabdymaŭsia z Alaksandram Łukašenkam.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary