Pa słovach vidavočcaŭ, hukavaja chvala raspaŭsiudziłasia z mora ŭ rajonie pasiołka Nikita.
Vidavočcy śćviardžajuć, što hrukat ad vybuchu byŭ čutny na ŭźbiarežžy Jałty ŭ radyusie 20 kiłamietraŭ. Siła jaho była takaja, što ŭ rajonie jałcinskaha zaaparka, raźmieščanaha ŭ pieradhorjach, vibryravali šyby ŭ žyłych damach i spracavali sihnalizacyi na aŭtamabilach, pryparkavanych na stajancy pobač. Miascovyja žychary kažuć, što hrukat vybuchu dobra byŭ čutny i ŭ Hurzufie.
Tak jak samoha vybuchu ŭ mory vidavočcy ź bieraha nie nazirali, jany robiać vysnovu, što adbyŭsia jon daloka ŭ adkrytym mory, i da Jałty dakaciłasia tolki hukavaja chvala.
Adny jałcincy źviazali vybuch z prachodziačymi zaraz la ŭźbiarežža Kryma vajskova-marskimi vučeńniami uzbrojenych sił Rasijskaj Fiederacyi, inšyja — z padvodnym vybucham sieravadarodu ŭ marskoj vadzie, jaki zvyčajna papiaredničaje ziemlatrusu.
Aficyjnyja struktury pakul nijak nie kamientujuć vypadku.
