Zimovaja pilihrymka katalickich viernikaŭ u pamiežnuju zonu na Dzień pamiaci rosickich pakutnikaŭ Juryja Kašyry i Antonija Laščeviča adbyłasia ŭ miastečku Rosica Vierchniadźvinskaha rajona 21 lutaha.
U kaścioł Śviatoj Troicy źjechałasia trysta viernikaŭ. Kaścioł ŭ vioscy Rosica pabudavany ŭ 1914 hodzie ŭ niearamanskim styli panami Łapacinskimi. Sama vioska naličvaje mienš za 200 žycharoŭ, parafija — adna z samych małalikich u Biełarusi.
Probašč parafii Česłaŭ Kuračka.
Chor.
Zimoj tempieratura ŭ kaściole nie padymajecca vyšej za nul.
Momant padčas spoviedzi katalickich viernikaŭ.
Štohod u lutym nievialikaja vioska Rosica ŭ Vierchniadźvinskim rajonie na adzin dzień robicca miescam pałomnictva katalickich viernikaŭ. Tut jany ŭšanoŭvajuć pamiać ksiandzoŭ-maryjanaŭ Juryja Kašyry i Antonija Laščeviča. Jany zahinuli razam z žycharami ad ruk nacystaŭ u časie Druhoj suśvietnaj.
Najbolšaja kolkaść pilihrymaŭ pryjechała ź Minska, Barysava, Hłybokaha, Žodzina, Połacka, Viciebska i Vierchniadźvinska — usich razam było kala trochsot čałaviek. Vioska znachodzicca ŭ pamiežnaj zonie — praz 12 kiłamietraŭ užo terytoryja Łatvii.
Pa tradycyi paminalnaja imša skončyłasia žałobnym kryžovym šlacham da miesca, dzie ŭ 1943 hodzie razam z žycharami Rosicy zahinuli śviatary.
Usiaho padčas rosickaj trahiedyi 16—18 lutaha 1943 hoda ŭ ahni zahinuła 1528 čałaviek. U hety čas u vioscy prajšła antypartyzanskaja karnaja apieracyja «Zimovy cud», u jakoj udzielničali palicejskija bataljony (7 łatyšskich, 1 ukrainski, 1 litoŭski) i rota SS. Paśla sarciroŭki ludziej zvozili ŭ kałhasnuju stajniu, jakuju i padpalili. Ksiandzy Juryj Kašyra i Antonij Laščevič admovilisia pakinuć svaich parafijanaŭ.
U 1999 hodzie papa Jan Pavieł II abviaściŭ ks. Jury Kašyru i Antonija Laščeviča błasłavionymi.
Ciapier na miescy dzie byli spaleny ajcy Jury i Antonij — «Placu mučanictva» staić pamiatny kryž.
Pačatak žałobnaj pracesii.
Kaścioł u Rosicy źjaŭlajecca samym paŭnočnym ź dziejučych na Biełarusi.
Kryž na «Placy mučanictva». U jakaści pilihryma rosickija ŭračystaści naviedaŭ Apostalski Nuncyj u Biełarusi arcybiskup Kłaŭdya Hudžeroci.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary