Premjer-ministr Biełarusi Andrej Kabiakoŭ ličyć metazhodnym ustalavańnie arendnych stavak u biełaruskich rublach. Pra heta kiraŭnik urada zajaviŭ siońnia na vynikovaj kalehii Ministerstva ekanomiki.
Reuters.com
«Uzdymałasia pytańnie ab ustalavańni arendnych stavak u rublach — ja z hetym zhodny. Kali havorka idzie pra dedałaryzacyi ekanomiki, to treba heta rabić», — adznačyŭ premjer-ministr.
Pavodle jaho słoŭ, heta budzie vyhadna nie tolki arandataram, ale i arendadaŭcam, bo ciapier z-za vysokaha koštu arendy idzie adtok klijentaŭ. «Možna pradumać niejkuju razumnuju schiemu indeksacyi, možna ŭvieści bazavuju vieličyniu, jašče niešta raspačać. Ale toje, što my pavinny sychodzić ad dalara i jeŭra — heta absalutna pravilny padychod», — kanstatavaŭ premjer-ministr.
Mierkavańnie kiraŭnika ŭrada prahučała ŭ adkaz na prapanovu ministra handlu Valancina Čakanava razhledzieć mahčymaść uniasieńnia ŭ zakanadaŭstva źmianieńniaŭ, jakija praduhledžvajuć ŭstalavańnie arendnych stavak u biełaruskich rublach.
Kamientary