Advakat Nadziei Saŭčanka Illa Novikaŭ u piatnicu raspavioŭ pra fizičny stan viaźnia i pra jaje namier abjavić suchuju haładoŭku.
Reuters.com
«Nadzieja sapraŭdy abdumvaje mahčymaść pierachodu na suchuju haładoŭku. Pakul što my bačym, što na ŭsie našy prapanovy i kroki my tolki čujem vielmi pafasna ad Śledčaha kamiteta, što im lepš vidać i jany raźbiarucca. My, viadoma, budziem šturchać ich pad ruku», — raspavioŭ Novikaŭ.
Advakat bačyŭ Nadzieju napiaredadni, 26 lutaha, i adznačyŭ jaje «źmienlivy stan». Pavodle jaho słoŭ, u Saŭčanka mocna chvareŭ straŭnik. Na pasiadžeńni suda 25 lutaha było bačna, što joj było ciažka siadzieć.
«U jaje, pa słovach niamieckich daktaroŭ, užo vidavočnyja prablemy z žoŭcievym puchirom. I ŭ bližejšyja dni mohuć pačacca prablemy z nyrkami», — dadaŭ Novikaŭ.
Raniej niamieckija daktary abśledavali Saŭčanka ŭ kamiery. Ź ich zaklučeńnia vynikaje, što joj nie varta zanadta aptymistyčna aceńvać stan svajho zdaroŭja.
U balnicy «Matroskaj cišyni» advakataŭ Saŭčanka i jaje samu zapeŭnili, što nie buduć karmić jaje siłkom.
Deputat Viarchoŭnaj Rady Ukrainy ad partyi «Baćkaŭščyna» Nadzieja Saŭčanka, raniej jakaja słužyła va ŭkrainskim Dobraachvotnickim bataljonie «Ajdar», letam 2014 hoda była zatrymanaja rasijskimi pravaachoŭnymi orhanami pa padazreńni ŭ datyčnaści da hibieli rasijskich žurnalistaŭ Ihara Karnieluka i Antona Vałošyna pad Łuhanskam.
Pa viersii śledstva, jany byli zabityja z navodki Saŭčanka, jakaja paźniej była zatrymana na miažy z Rasijaj, kudy adpraviłasia pad vyhladam uciakački. Sama jana admaŭlaje svaju vinu.
Saŭčanka i jaje advakaty śćviardžajuć, što jaje skrali na terytoryi Łuhanskaj vobłaści i dastavili ŭ Rasieju.
13 śniežnia 2014 Saŭčanka abviaściła haładoŭku, jakuju praciahvaje da hetaha času, patrabujučy svajho vyzvaleńnia.
Hladzi taksama: Savčienko i Putin — našła kosa na kamień
Kamientary