Nursułtan Nazarbajeŭ zajaviŭ, što pazačarhovyja prezidenckija vybary nie ŭvachodzili ŭ jaho płany, paviedamlaje Tengrinews.kz.
«Ciapier pačałasia pieradvybarčaja kampanija. Ideju ab praviadzieńni daterminovych vybaraŭ u asnoŭnym padtrymali žančyny. Ja atrymlivaju siońnia tysiačy listoŭ.
Siońnia ranicaj u mianie na stale voś taki pačak listoŭ ludziej, jakija padtrymlivajuć heta, jakija prosiać mianie vyłučyć svaju kandydaturu. Maje asabistyja płany byli zusim inšyja, ščyra kažučy», — skazaŭ jon na sustrečy z pradstaŭnicami hramadskaści Kazachstana.
Kiraŭnik dziaržavy adznačyŭ, što ŭžo niamała hadoŭ kiruje Kazachstanam.
«Ja stajaŭ la vytokaŭ niezaležnaści. Moža być, para mianiać dekaracyi, jak u teatry kažuć.
Kali syšoŭ baćka-zasnavalnik Sinhapura — pryhožaj dziaržavy, ja spytaŭ: «Čamu Vy syšli?». «Nu ja, — kaža, — 31 hod kiravaŭ, i kali hladzieŭ u apošni čas na siabie pa televizary, sam sabie nie padabaŭsia». Ja kažu: «Televizar skažaje, moža być».
U mianie taksama takija płany. Ale zaraz takoje žadańnie, imknieńnie, jadnańnie naroda. Siońnia jość mahčymaść mnie z vami paraicca, što mnie rabić dalej», — dadaŭ kiraŭnik dziaržavy, źviartajučysia da prysutnych žančynaŭ.
***
76-hadovy Nazarbajeŭ kiruje Kazachstanam ad 1990 h., nieadnarazovy pieramožca prezidenckich vybaraŭ. Na daterminovych vybarach 2011 h. nabraŭ 95% hałasoŭ. Hetyja vybary taksama buduć daterminovyja. Jany zapłanavanyja na 26 krasavika.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary