Hety numar pryśviečany trom asnoŭnym temam: «Bijahrafii», «Biełarusy ŭ Francyi», «Praskija biełarusy».
Natalla Hardzijenka apublikavała vialiki (na 250 staronak) bijahrafičny daviednik «Dziejačy biełaruskaj pavajennaj emihracyi». Pa słovach składalnicy daviednika, jon rychtavaŭsia na asnovie bijahram, jakija raniej publikavałasia joj u vyhladzie kamientaryjaŭ da navukovych publikacyj. Tamu tut bolšy ŭchił na dziejačaŭ biełaruskaj dyjaspary ŭ Vialikabrytanii i Aŭstralii (Natalla napisała asobnyja knihi pra biełarusaŭ u hetych krainach).
Drukujucca listy nacyjanalista Janki Filistoviča da Mikoły Skabieja. Pa słovach publikataraŭ, Filistovič da svajaka ŭ listach byŭ bolš adkryty.
Pavieł Kotaŭ napisaŭ pra biełaruskija miescy ŭ Prazie. U tomie publikujucca i fotazdymki hetych miaścin, a taksama karta. Maks Ščur apublikavaŭ mastacki tvor «Upyrchliki».
U tomie źmienščany adzinaccać vystupleńniaŭ z 4 Kanhresa daśledčykaŭ Biełarusi, jaki letaś prachodziŭ u Koŭnie (Litva). Na kanhresie pracavała siekcyja «Biełaruskaje zamiežža i pamiežža ŭ historyi i sučasnaści». Asobnyja dakłady (ahułam na 120 staronak) i apublikavany ŭ «Zapisach».
«Zapisy BINIM (Biełaruskaha instytuta navuki i mastactva» byli zasnavanyja ŭ 1952 h. u ZŠA. Pieršyja šeść tamoŭ vyjšli ŭ 1952—1954 hh. u Ńju-Jorku, nastupnyja piać — u Miunchienie (1962–1960), Z 12 pa 24-ty vydavalisia ŭŃju-Jorku (1974–1999). Ad 2001 h. (№ 25) «Zapisy BINIM» — sumiesny minska-ńjujorski prajekt.
Dzie nabyć: pytajcie z nastupnaha tydnia ŭ «Akademknizie» (Minsk, pr-t Niezaležnaści, 72), u internet-kniharniach.
