Z 1 červienia 2015 hoda zabaraniajecca akazvać bytavyja pasłuhi subjektam, nie ŭklučanym u rejestr bytavych pasłuh.
Zhodna z pastanovaj Savietu ministraŭ, usie subjekty, što akazvajuć u Biełarusi bytavyja pasłuhi, musiać być zaniesienyja ŭ admysłovy rejestr. Krajni termin rehistracyi — 1 červienia 2015 hoda, paśla hetaha akazvać bytavyja pasłuhi budzie zabaroniena. Padrabiazna pra rejestr raspaviadajecca na sajcie Minhandla.
U sacyjalnych sietkach źviarnuli ŭvahu na toje, što ŭ rejestr musiać być zaniesienyja i fatohrafy.
Toje hučyć dziŭna ŭ 2015 hodzie, kali chiba nie kožny maje kali nie fotazdymač, to prynamsi smartfon z kamieraj.
«Naša Niva» ŭdakładniła paradak rehistracyi ŭ Ministerstvie handla. Nasamreč, fatohrafy, u tym liku indyvidualnyja pradprymalniki i fatohrafy-fryłansiery, musiać prajści rehistracyju, kali akazvajuć bytavyja fotapasłuhi. Fotapasłuhami ličycca i zdymka mierapryjemstvaŭ (naprykład, viasiellaŭ), i apracoŭka fota (naprykład, retuš).
Pastanova nie tyčycca ludziej z fotazdymačami, jakija zdymajuć nie ŭ kamiercyjnych metach.
Z tekstu pastanovy bačna, što dakumient nie tyčycca ŚMI, ale fatohrafy, jakija pracujuć u ŚMI, abaviazanyja rehistravacca ŭ zhadanym rejestry, kali akazvajuć dadatkova bytavyja pasłuhi.
Anałahična rehistravacca treba i tym, chto akazvaje pasłuhi myjki voknaŭ ci pryjomu bializny ŭ chimčystku, ale nie treba tym, chto myje vokny ci bializnu dla siabie.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary