Adziny śpis nievyjaznych daŭžnikoŭ na rasiejska-biełaruskaj miažy źjavicca ŭ bližejšy čas, raźličvaje kiraŭnik UFSSP pa Maskvie Alaksandr Ściebakoŭ.
Fota: cr2.livejournal.com
Pavodle jaho słoŭ, časam rasiejcy, jakim abmiežavany vyjezd za miažu, pierasiakajuć miažu ź Biełaruśsiu pa rasiejskim pašparcie, kuplajuć tam bilet za miažu i, pakolki biełaruskija pamiežniki nie majuć ukazańniaŭ zatrymlivać rasiejskich daŭžnikoŭ, svabodna laciać.
«Jak tolki ałharytm uzajemadziejańnia ź biełaruskimi kalehami budzie prapisany, ja dumaju, što prablem u hetym płanie nie ŭźniknie: u nas vielmi padobnyja pamiežnyja struktury, u ich jość taksama słužba prymusovaha vykanańnia», — skazaŭ Ściebakoŭ žurnalistam u sieradu.
Jon adznačyŭ, što pracavać sistema pačnie «ŭ bližejšy čas». Kankretnaja data nie ŭdakładniajecca.
«U biełaruskich pamiežnikaŭ budzie taki ž śpis daŭžnikoŭ, jak u našych, i jany ich prapuskać nie buduć», — rastłumačyŭ Ściebakoŭ.