 |
Biełaruś u adnabakovym paradku źniziła košt vizaŭ dla hramadzian Letuvy, Łatvii, Estonii j Polščy. Pra heta paviedamiŭ žurnalistam pres‑sakratar Ministerstva zamiežnych spravaŭ Biełarusi Andrej Papoŭ.
Košt adnarazovaj ujaznoj vizy ŭ Biełaruś dla hramadzian zhadanych dziaržaŭ składzie 25 eŭra, adnarazovaj tranzytnaj — 10 eŭra, šmatarazovaj hadavoj — 150 eŭra. Za dadatkovuju apłatu ŭ pamiery 25 eŭra vizy buduć afarmlacca ŭ terminovym paradku.
Biełaruś zachoŭvaje sproščany paradak afarmleńnia vizaŭ dla hramadzianaŭ usioj Šenhienskaj zony. Jak i raniej, dziełavyja j haściavyja vizy terminam dziejańnia da 30 dzion buduć vydavacca biez zaprašeńnia, a termin razhladu zapytaŭ nie pavinien pieravyšać 5 dzion.
Pavodle Andreja Papova, Biełaruś jašče raz paćviardžaje padrychtavanaść vieści dyjaloh z Eŭrapiejskim Źviazam u pytańniach spraščeńnia vizavych praceduraŭ.
«My zaklikajem našych eŭrapiejskich partneraŭ admovicca ad vykarystańnia vizaŭ u jakaści abmiežavańnia ŭzajemnych kantaktaŭ hramadzianaŭ i pryniać nieabchodnyja kroki dla zabieśpiačeńnia prava hramadzianaŭ na svabodnaje pieramiaščeńnie», — zaznačyŭ pres‑sakratar MZS Biełarusi.
