U Minsku kamiercyjnyja kijoski, jakija funkcyjanujuć na prypynačnych punktach, u biahučym hodzie spyniać svaju rabotu. Ab hetym karespandentu BIEŁTA paviedamiŭ namieśnik staršyni Minharvykankama Aleh Tabaniuchoŭ.
Subiasiednik nahadaŭ, što taki vid handlu źjaviŭsia ŭ stalicy va ŭmovach farmiravańnia rynačnaj ekanomiki. U toj pierachodny pieryjad była niedastatkova raźvita handlovaja sietka, adčuvalisia prablemy pa asartymientu tavaraŭ. Tamu tady kijoski byli zapatrabavany ŭ nasielnictva. Adnak siońnia rabota abjektaŭ drobnaj roźnicy supiarečyć sučasnym patrabavańniam, jakija pradjaŭlajucca da arhanizacyi handlu i absłuhoŭvańnia nasielnictva. Akramia taho, niedastatkovaja handlovaja płošča kijoskaŭ nie sadziejničaje ŭkaranieńniu vysokatechnałahičnych i efiektyŭnych pracesaŭ u śfiery handlu. Nie adpaviadajuć jany i estetyčnamu ŭzroŭniu.
Aleh Tabaniuchoŭ adznačyŭ, što Minharvykankam viadzie metanakiravanuju rabotu pa pastupovamu skaračeńniu kolkaści abjektaŭ drobnaj roźnicy. Ź listapada 2000 hoda ŭ stalicy prypyniena raźmiaščeńnie novych kijoskaŭ, skaračajecca kolkaść isnujučych. Na praciahu ŭsiaho biahučaha hoda heta rabota pavinna być zavieršana. Prypynačnyja kompleksy, u składzie jakich jość kijoski (a ŭsiaho ŭ stalicy naličvajecca prykładna 280 kijoskaŭ), buduć zamienieny naviesami. Što datyčycca kijoskaŭ, jakija realizujuć biletnuju i drukavanuju pradukcyju, to jany zastanucca na prypynkach i buduć madernizavany ŭ adpaviednaści z sučasnymi patrabavańniami.
Pry hetym namieśnik staršyni harvykankama padkreśliŭ, što ab majučych adbycca pieraŭtvareńniach pradprymalnikam paviedamlajuć za niekalki miesiacaŭ. U jakaści alternatyvy im prapanujuć handlovyja miescy ŭ dobraŭparadkavanych abjektach.
Ciapier u Minsku dziejničajuć bolš jak 2,5 tys. mahazinaŭ roznych form ułasnaści i bolš jak 1,5 tys. abjektaŭ hramadskaha charčavańnia. Taksama ŭ horadzie pracujuć 34 bujnyja handlovyja centry i 22 rynki.