 |
«Kamisija nie źviarnuła na hetuju daviedku nijakaj uvahi. Skazali, što jon prajšoŭ medahlad jašče ŭ listapadzie, i tady byŭ zdarovym», — kaža Ała Fiodaraŭna.
Varta nahadać, što litaralna za try dni da hetaha, 22 studzienia, rektar Homielskaha dziaržaŭnaha ŭniversytetu Alaksandar Rahačoŭ padpisaŭ zahad ab paŭtornym adličeńni z VNU studenta 3‑ha kursu matematyčnaha fakultetu Źmitra Žaleźničenki. Pierad hetym, 16 studzienia, sud Centralnaha rajonu Homiela pryznaŭ niezakonnym jahonaje pieršaje adličeńnie z VNU ŭ vieraśni 2007 hodu. Takim čynam, chłopiec prabyŭ studentam mienš za tydzień. Jon znoŭ źbiraŭsia praz sudy abskardžvać paŭtornaje vyklučeńnie z universytetu.
Siońnia Źmicier, pratestujučy suprać niezakonnaha adličeńnia z universytetu dy adpraŭki ŭ vojska, abviaściŭ biesterminovuju haładoŭku. Jon adrazu ž paviedamiŭ ab hetym u pryzyŭnuju kamisiju i ŭ Ministerstva abarony.
«Nia viedaju, ci atrymajecca ŭ jaho što‑niebudź z hetaha, — kaža jahonaja maci. — U niadzielu, napeŭna, pajedu ŭžo da jaho ŭ vajennuju častku na sustreču».
