Fantastyka, tryler, drama
Režysior: Robiert Švientkie
U rolach: Šejlin Vudli, Tea Džejms, Kiejt Uinślet, Džaj Kortni, Ensieł Ełhat, Majł Teler, Zoi Kravic, Aktavija Śpiensier, Naomi Uots.
ZŠA, 119 chv.
Adznaka: 7
Džanin, kiraŭnica frakcyi Erudytaŭ, abjaŭlaje dyvierhientaŭ (ludziej, jakija pa svaich zdolnaściach pasujuć usim frakcyjam) niebiaśpiečnymi złačyncami. Arhanizavaŭšy palavańnie na ich, jana šukaje najmacniejšaha, kab adkryć artefakt, jaki byŭ pakinuty zasnavalnikami kałonii. Infarmacyja, zaklučanaja ŭ artefakcie, moža pralić śviatło nie tolki na minułaje horada, ale i rastłumačyć, adkul uzialisia dyvierhienty i jak pabudavać śvietłuju budučyniu.
Ekranizacyju druhoj častki tryłohii «Dyvierhient» Vieraniki Rot davieryli Robiertu Švientkie, režysioru «Reda» (2010) i «Padmani mianie» (sieryjał, 2009—2011). Uśled za im prajekt amal całkam źmianiŭ kamandu, adpaviedna źmianiŭsia i padychod da pieršakrynicy: scenar značna adyšoŭ ad knihi ŭ bok spraščeńnia siužetnych linij. Adnačasova dadałosia vidoviščnaści za košt vykarystańnia niezvyčajnych pryładaŭ i novych trukaŭ.
Stužka praciahvaje apovied pra Trys Prajar — dyvierhienta, jaki nie ŭpisvajecca ŭ sistemu piaci frakcyj, stvoranych dla mirnaha suisnavańnia ludziej 200 hadoŭ tamu. Za fantastyčnym siužetam chavajecca padletkavaja drama pra pošuki siabie ŭ hetym śviecie i ŭśviedamleńnie svajoj adroznaści ad inšych. «U žyćci jość šmat mahčymaściaŭ prajavić advahu. Adna z samych vybitnych — być saboj. Heta sapraŭdy patrabuje ŭnutranaj siły, asabliva kali vakoł sotni ludziej, i kožny viedaje, jakim ty pavinien być», — miarkuje Šejlin Vudli, vykanaŭca hałoŭnaj roli.
Maładaja aktrysa ŭ svaje 23 maje niekalki ŭznaharod i naminacyj. Za stužku «Zachaplalny čas» (2013) jana atrymała śpiecyjalny pryz na niezaležnym kinafiestyvali «Sandes-2013». A sioleta jana źniałasia ŭ ekranizacyi adnajmiennaj knihi Džona Hryna «Vinavatyja zorki» pra dziaŭčynu, chvoruju na rak. Na zdymkach «Insurhienta» Šejlin pracavała z takimi zorkami kino, jak Naomi Uots i Kiejt Uinślet.
Kamientary