Adzin ź piłotaŭ łajniera Airbus A320 avijakampanii Germanwings pakinuŭ kabinu niezadoŭha da avijakatastrofy. Pra heta paviedamiŭ adzin z vajskoŭcaŭ, jakija ŭdzielničajuć u rasśledavańni.
Pavodle jaho słoŭ, na zapisie, vyniatym z čornaj skryni, čuvać, jak piłot sprabuje trapić nazad u kabinu, ale nie moža heta zrabić.
Krynica śćviardžaje, što piłot spačatku cicha pahrukaŭ u dźviery, zatym zrabiŭ heta hučniej, a potym sprabavaŭ vybić dźviery, ale ničoha nie atrymałasia. U rešcie rešt, jon tak i nie zmoh trapić u kabinu. Druhi piłot dźviery nie adčyniŭ.
New York Times adznačaje, što zapis z «čornaj skryni» tłumačyć niekatoryja detali avijakatastrofy, ale ŭsio ž nie adkazvaje na pytańnie, čamu samalot upaŭ i ŭ suviazi z čym piłoty nie zmahli pieradać sihnały biedstva, choć źnižeńnie łajniera praciahvałasia kala vaśmi chvilin.
***
Samalot Germanwings, jaki ruchaŭsia rejsam Barsiełona — Dziusieldorf, paciarpieŭ krušeńnie ŭ Alpach 24 sakavika. Zahinuli ŭsie 150 čałaviek, jakija znachodzilisia na borcie.
Pošukava-vyratavalnaja apieracyja ŭ Alpach ŭskładniena tym, što samalot upaŭ u harystaj miascovaści, dzie niama daroh. Ratavalniki zmahli dabracca da miesca avijakatastrofy na viertalotach i amal adrazu ž vyjavili adnu z čornych skryń.
U Lufthansa, jakoj naležyć Germanwings, ličać, što pryčynaj avijakatastrofy moh stać «niaščasny vypadak».
-
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
-
Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty
-
Pryčynaj pravału Bajdena na debatach moh stać čas, u jaki hetyja debaty pravodzilisia
Kamientary