U siale Promiń kala Łucka ŭpaŭ samalot-«kukuruźnik», jakim byŭ nabity kantrabandnymi biełaruskimi cyharetami. Piłot zahinuŭ.
Katastrofa adbyłasia kala 00:30 u čaćvier, 26 sakavika, paviedamlaje volynpost.com
Samalot An-2 upaŭ na darohu i płot adnoj ź siadzibaŭ na vulicy Pieramohi. Pry hetym jon paškodziŭ dach doma i linii elektrapieradačy, tamu ŭ siale ciapier pieraboi z elektrazabieśpiačeńniem.
Jak raspaviadajuć vidavočcy, samalot uźlacieŭ ź impravizavanaj ŭźlotnaj pałasy, jakaja znachodzicca pablizu miesca avaryi na poli. U pavietry piłot raźviarnuŭ mašynu i sprabavaŭ sieści na miescy ŭźlotu, adnak samalot pačaŭ hublać vyšyniu i ŭpaŭ na vulicu.
Cikava, što žychary vioski daŭno viedali ab najaŭnaści samalota i vykarystańnia jaho dla kantrabandy. Mašyna raniej pracavała dla raskidvańnia ŭhnajeńniaŭ na palach, adnak jaje vykupili i vyrašyli vykarystać dla kantrabandy.
Hety palot dakładna nie pieršy, bo žychary Prominia i raniej čuli huł ruchavika. Jany pierakananyja, što cyharety pavinny byli vieźci dla prodažu ŭ Polšču.
Kamientary