Cłavuty kambinat budmateryjałaŭ «Zabudova» abviaściŭ pra bankructva
Zajavu ab ekanamičnaj niazdolnaści pradpryjemstva dasyłaje kredytoram kampanii.
Na schodzie akcyjanieraŭ 9 sakavika pryniali rašeńnie ab padačy ŭ sud zajavy ab bankructvie AAT «Kirujučaja kampanija chołdynhu «Zabudova».
Tavarystva imkniecca viarnuć płaciežazdolnaść, dla hetaha ŭvachodzić u praceduru sanacyi.
Pavodle zajavy ab ekanamičnaj niazdolnaści chołdynhu, płaciežazdolnaść kampanii pamianšajecca ciaham apošnich hadoŭ. Jana nie moža stabilna apłačvać rachunki i maje vysokuju finansavuju ryzyku. Zabiaśpiečanaść ułasnymi abarotnymi srodkami nie pieravyšaje minimalny dapuščalny ŭzrovień i praciahvaje pamianšacca.
Kampanija vinavataja kredytoram kala 288 miljardaŭ 313 miljonaŭ rubloŭ.
Zapazyčanaść pa zarobkach i vychadnoj dapamozie pierad rabotnikami składaje bolš za čatyry miljardy rubloŭ. U chołdynhu pracuje 1 357 čałaviek u pasiołku Čyść.
Vykanalniku abaviazkaŭ hienieralnaha dyrektara daručyli padrychtavać i padać u ekanamičny sud Minskaj vobłaści zajavu ab zaviadzieńni pracedury ekanamičnaj niazdolnaści (bankructva).
Kamientary