Biełaruskija banki źnižajuć staŭki pa kredytach dla fizičnych asob i admianiajuć apošnija z uviedzienych u śniežni abmiežavańniaŭ pa płaciežnych kartkach.
Tak, Biełahraprambank infarmuje ab źnižeńni pracentnych stavak pa novazaklučajemych dahavorach na spažyviecki i avierdraftny kredyty, pa kredytnych kartkach, a taksama na aŭtakredytavańnie. Staŭka pa adnym z najbolš papularnych kredytaŭ, na spažyvieckija patreby, źniziłasia na 5 pracentnych punktaŭ - da 56 pracentaŭ hadavych. Na stolki ž patańnieła kredytavańnie na kuplu aŭtamabila. Taki kredyt u Biełahraprambanku ciapier možna ŭziać pad 55 pracentaŭ hadavych.
Raniej Bank BiełVEB abjaviŭ ab źnižeńni stavak pa spažyvieckich kredytach dla fizičnych asob. Jak rastłumačyli ŭ banku, staŭki źnizilisia ŭ zaležnaści ad praduktu na 15% - 2,5%. Patańnieła taksama kredytavańnie pa płaciežnych kartkach.
Akramia taho, banki Biełarusi infarmujuć ab admienie apošnich z uviedzienych u śniežni 2014 hoda abmiežavańniaŭ pa rublovych kartkach. Naprykład, Priorbank poŭnaściu źniaŭ abmiežavańni pa apieracyjach sa svaimi płaciežnymi kartkami. Bank BiełVEB admianiŭ abmiežavańni na valutna-abmiennyja apieracyi pa asabistych i karparatyŭnych rublovych kartkach. Bielinviestbank adnaviŭ pradastaŭleńnie avierdraftaŭ z vykarystańniem rublovych kartak
Kamientary