Fotazdymki radasnaj sustrečy amierykanskich sajuźnikaŭ žycharami Biełastoka ablacieli zachodnija ŚMI i stali śviedčańniem taho, jak mocna Uschodniaja Jeŭropa zaniepakojenaja pahrozaj ad pucinskaj Rasii, piša dailymail.co.uk.
Na vulicach horada na minułym tydni spyniŭsia atrad z 2-ha kavaleryjskaha pałka amierykanskaj armii, jaki vykarystoŭvaje bajavyja mašyny piachoty Stryker.
Vielmi chutka mašyny i žaŭniery byli akružanyja žycharami Biełastoka, jakija pa-siabroŭsku vitali amierykancaŭ, fatahrafavalisia ź imi i navat daryli im padarunki.
Junaki, dziaŭčyny i navat baćki z małymi dziećmi potym pačali załazić na techniku i rabić zdymki na pamiać.
Heta vyhladała, piša dailymail.co.uk, jak sustreča amierykancaŭ francuzami ŭ 1944 hodzie paśla vysadki ŭ Narmandyi, kali tanki zakidvali kvietkami, a žaŭnieraŭ častavali i abdymali.
Amierykancy ŭdzielničali ŭ sumiesnych vučeńniach «Atłantyčnaja rašučaść» i prajechali ad Estonii praz Łatviju i Litvu ŭ Polšču, a potym u Niamieččynu, kab padtrymać svaich uschodniejeŭrapiejskich chaŭruśnikaŭ.
