Disney praciahnie pieratvarać multfilmy ŭ filmy: ciapier «Vini-Puch»
Darosły Krystafier Robin vierniecca ŭ čaroŭny les.
Da šerahu ihravych pierazapuskaŭ Disney dadaŭsia «Vini-Puch», paviedamlaje Deadline.
Režysioram i scenarystam filma stanie Aleks Ros Pery, viadomy pa dramie «Pasłuchaj, Filip» i trylery «Karaleva Ziamli».
Pradziusaram filma stanie Bryhem Tejłar.
Padrabiaznaści siužetu i data pačatku zdymak pakul nieviadomyja. Adno, što viadoma — film raspaviadzie pra darosłaha Krystafiera Robina, jaki vierniecca ŭ čaroŭny les, kab naviedać siabroŭ dziacinstva — Vini-Pucha i kampaniju.
Aryhinalny amierykanski Vini-Puch źjaviŭsia na ekranach u 1966 hodzie. Z 1997 hoda vychodziŭ sieryjał pa matyvach multfilma. Z 1988 pa 1991 hod vychodziŭ sieryjał «Novyja pryhody Vini-Pucha», dobra viadomy ŭ SND. Apošniaja na siońnia ekranizacyja kazki Ałana Miłna vyjšła ŭ 2011 hodzie, ale sabrała ŭ prakacie tolki 33 młn dalaraŭ. Savieckija multfilmy pra Vini-Pucha vychodzili ŭ 1969, 1971 i 1972 hadach.
***
Studyja Disney paśla ŭdałaha ihravoha filma «Papiałuška» zdymie šerah pierazapuskaŭ kłasičnych multfilmaŭ: «Krasuni i pačvary», «Damba» (im zojmiecca Cim Biortan), «Knihi džunhlaŭ», «Bembi» i «Mułan». U intrenecie nabiraje papularnaść žartaŭlivy trejler pa matyvach pierazapuskaŭ dysnejeŭskaj kłasiki, dzie rolu alaniatki Bembi vykonvaje Duejn Džonsan.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary