Staršynia Partyi BNF Lavon Barščeŭski nakiravaŭ u adras «Biełorusskoj vojennoj haziety» list u adkaz na publikacyju »«Dima Žieleźničienko kak zierkało niesostojavšiejsia «vasilkovoj rievolucii».
 Lavon Barščeŭski |
Staršynia Partyi BNF Lavon Barščeŭski nakiravaŭ u adras «Biełorusskoj vojennoj haziety» list u adkaz na publikacyju «Dima Žieleźničienko kak zierkało niesostojavšiejsia «vasilkovoj rievolucii».
U pačatku svajho lista spadar Barščeŭski adznačaje, što aŭtar zhadanaj pieradavicy Andrej Maksimaŭ demanstruje «poŭnaje niaviedańnie sučasnaj historyi».
Lider Narodnaha frontu nahadvaje, što BNF «paśladoŭna vystupaje za vykanańnie pałažeńnia Kanstytucyi Respubliki Biełaruś ab faktyčnym raŭnapraŭi biełaruskaj movy jak dziaržaŭnaj i ličyć užyvańnie biełaruskaj movy va Ŭzbrojenych Siłach Respubliki Biełaruś nia tolki pravamiernym, a i patrebnym».
Lavon Barščeŭski abviarhaje zakidy publicysta hazety pra toje, što BNF maje terytaryjalnyja pretenzii da susiednich dziaržaŭ:
«Hetaje śćviardžeńnie — plon dezinfarmavanaści abo chvoraha ŭjaŭleńnia vyšejnazvanaha publicysta, jaki, prynamsi, pavinien byŭ by dakładna ŭkazać, jakaja babula našaptała jamu takija «źviestki».
U svaim artykule Andrej Maksimaŭ suadnosić hramadzianskuju pazycyju Źmitra Žaleźničenki z historyjaj Druhoj suśvietnaj vajny, uzvodziačy prychilnaść da biełarskaj movy i histaryčnych symbalaŭ da kalabaracyjanizmu, fašyzmu i masavych źniščeńniaŭ mirnaha nasielnictva.
«Hety pryjom uziaty z arsenału NKVDysckaj prapahandy i ničoha, akramia adčuvańnia hidlivaści, u mianie asabista nie vyklikaje. — piša Lavon Barščeŭski. — Moj baćka, major u adstaŭcy Barščeŭski Piatro Mikałajevič, prajšoŭ usiu vajnu, uklučna z udziełam u bitvie pad Maskvoj, u abaronie Leninhradu, va Ŭschodniepruskaj i Mańčžurskaj aperacyjach, na žal, pajšoŭ u lepšy śviet užo šmat hadoŭ tamu. Kali b jon pračytaŭ ahłabielščynu A. Maksimava, ja nie sumniavajusia, jon by nazvaŭ heta jašče horšymi słovami…»
«Žurnalist pavinien viedać miežy prystojnaści, — zaznačaje pry kancy staršynia BNF. — Ź pisaniny A. Maksimava faktyčna vynikaje, što i dziaržaŭnaja biełaruskaja mova — heta ledźvie nie prydumka roznych kalabarantaŭ».
«Chaciełasia, kab redakcyja pavažanaj hazety (jakuju, jak aficer zapasu, ja pavinien ličyć i svajoj) nadalej nie dapuskała na svaje staronki nieprafiesijnych publikacyj, u jakich błytajecca "bob z harocham".»
Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty8
Kamientary