10 studzienia, padčas mitynhu pradprymalnikaŭ, ja byŭ zatrymany supracoŭnikami AMAPu, apranutymi ŭ cyvilnaje. Ja kataŭsia na kańkach kala hałoŭnaj Jalinki krainy: spačatku ja byŭ ź bieł‑čyrvona‑biełym ściaham.
10 studzienia, padčas mitynhu pradprymalnikaŭ, ja byŭ zatrymany supracoŭnikami AMAPu, apranutymi ŭ cyvilnaje. Ja kataŭsia na kańkach kala hałoŭnaj Jalinki krainy: spačatku ja byŭ ź bieł‑čyrvona‑biełym ściaham, paśla pakinuŭ ściah siabram i praciahnuŭ katacca bieź jaho. Na mianie, padbiahajučy, nakinulisia dva mocnyja mužčyny. Ja ŭpaŭ, jany ŭpali na mianie. Dźvie maje siabroŭki sprabavali mianie abaranić, ale amapaŭcy adkinuli ich, schapili mianie za ruki za nohi i panieśli za Pałac Respubliki. Mianie pastavili na nohi (u kańkach!), vyhnuli ruki i paviali, łajučysia matam, u mašynu.
U mašynie mnie dali dazvoł pieramianić abutak. Ja čakaŭ na praciahu 40 chvilin, uvieś čas za mnoj nazirali. Ja ahledzieŭ siabie i ŭbačyŭ, što mnie parvali kurtku. Potym mianie pierasadzili ŭ inšuju mašynu i pavieźli ŭ Centralny RUUS. Pa darozie jany ździekavalisia ź mianie (maralna), prynižali. U Centralnym RUUSie ja sustreŭ spadara Siŭčyka, jakomu prysudzili sutki. Ja byŭ adviedzieny da inspektara pa spravach niepaŭnaletnich. Amapaŭcy skłali na mianie rapart. Kali inspektar pacikaviŭsia, čamu sa mnoj nie było ściaha, za jaki mianie zatrymali, amapaŭcy abhruntavali heta tym, što im byŭ dadzieny zahad zatrymać mienavita mianie. Paśla hetaha jany syšli. Šmat abstavin u raparcie nie było paznačana(naprykład, pra kańki), jon uvohule amal nie adpaviadaŭ rečaisnaści.
Praz 15 chvilin pryjšła maja maci i zabrała mianie dachaty.
Kamientary