Były polski prezident Lech Valensa płanavaŭ, što Polšča dałučycca da Jeŭrasajuza i NATA razam z Ukrainaj i Biełaruśsiu. Ab hetym jon zajaviŭ u interv`iu ŭkrainskamu internet-resursu «Ekanamičnaja praŭda», apublikavanym 7 krasavika.
![](http://nashaniva.com/img/w732d4webp1/photos/z_2015_04/lech-walesa0704-ezfsy.jpg.webp)
«Kali ja byŭ prezidentam (1990—1995 hady), ja płanavaŭ, što ŭ druhoj kadencyi Polšča razam z Ukrainaj i Biełaruśsiu dałučycca da ES i NATA, — raskazaŭ Valensa. — Ja pravioŭ za miažoj samyja važnyja pieramovy, ab hetym było damoŭlena, ale prajhraŭ vybary — i ŭsio pravaliłasia».
«Ukraina i Biełaruś pajšli pa inšym šlachu, ale jany ab hetym navat nie viedali», — dadaŭ polski palityk.
Tym nie mienš, ličyć jon, u pierśpiektyvie adbudziecca ab`iadnańnie dziaržaŭ, ale ŭžo na inšych pryncypach. «Cyvilizacyjny prahres pryviadzie da vyraŭnoŭvańnia ŭzroŭniaŭ ekanamičnaha raźvićcia pamiž krainami i adkryćcia miežaŭ. Jany adkryjucca da Urała, a potym i za Urał», — prahnazuje Valensa.
Lech Valensa nie raz vykazvaŭsia ab nieabchodnaści jeŭrapiejskaha šlachu raźvićcia Biełarusi. Tak, naprykład, naviedvajučy ŭ 2009 hodzie Bialski paviet Polščy, jaki miažuje ź Biełaruśsiu, jon vykazaŭ škadavańnie nakont taho, što Biełaruś dahetul nie ŭvajšła ŭ ahulnajeŭrapiejskuju prastoru.
Paśla žorstkaha razhonu mirnaj demanstracyi ŭ dzień vybaraŭ prezidenta Biełarusi ŭ 2010 hodzie Valensa vystupaŭ za žorstkuju palityku ES ŭ dačynieńni da aficyjnaha Minska. Razmaŭlajučy z žurnalistami krain — udzielnic Uschodniaha partniorstva ŭ Hdańsku ŭ vieraśni 2011 hoda, jon, u pryvatnaści, zajaviŭ, što ŭ karotkaterminovaj pierśpiektyvie Jeŭropa pavinna dabicca vykanańnia svaich patrabavańniaŭ i pravodzić žorstkuju liniju ŭ dačynieńni da Biełarusi, ale ŭ doŭhaterminovaj — možna čakać palapšeńnia adnosinaŭ i iści na pieramovy ź Minskam.
Nobieleŭski łaŭreat miru, pieršy kiraŭnik lehiendarnaha polskaha prafsajuza «Salidarnaść» Lech Valensa byŭ abrany prezidentam Polščy ŭ 1990 hodzie, a taksama bałatavaŭsia na hetuju pasadu ŭ 1995 hodzie, ale prajhraŭ vybary Alaksandru Kvaśnieŭskamu. Niaŭdačaj zaviaršyŭsia i ŭdzieł Valensy ŭ vybarach 2000 hoda, kali jon nabraŭ mienš pa paŭtara pracenta hałasoŭ vybarščykaŭ.
Kamientary