29-hadovaja hramadzianka Biełarusi padazrajecca ŭ arhanizacyi elitnaha bardela ŭ centry Maskvy, paviedamiła rasijskaja «Obŝaja hazieta». U abaviazki žančyny ŭvachodziŭ padbor dziaŭčat dla prastytucyi.
«4 krasavika supracoŭniki kryminalnaha vyšuku adździeła MUS Rasii pa rajonie «Chamoŭniki» ŭ pamiaškańni adnaho sa staličnych kłubaŭ, raźmieščanych u CAA Centralnaja administracyjnaja akruha), zatrymali padazronuju va ŭtrymańni prytonu dla zaniatkaŭ prastytucyjaj. Jak stała viadoma supracoŭnikam palicyi, zatrymanaja zajmałasia arhanizacyjaj pracy pa sistematyčnym akazańni pasłuh sieksualnaha charaktaru za ŭznaharodžańnie», — cytuje vydańnie pres-słužbu hałoŭnaha ŭpraŭleńnia MUS pa Maskvie.
Bardel znachodziŭsia ŭ samym centry rasijskaj stalicy, na Pluščysie. U kłubie X-story sieksualnyja pasłuhi akazvali madeli. Abjava ab nabory stryptyziorš i madelaŭ raźmiaščałasia na adnym z sajtaŭ, paramietry adboru byli dastatkova strohija. Pretendentka pavinna była vysłać partfolio z fatahrafijami.
Siarod klijentaŭ ustanovy byli tolki zabiaśpiečanyja mužčyny: zorki šou-biźniesu, palityki i biźniesmieny. Hadzina pracy prastytutki abychodziłasia klijentam ad 16 tys. da 100 tys. rasijskich rubloŭ (ad 290 da 1.800 dołaraŭ ZŠA).
Akazańnie intym-pasłuh uvachodziła ŭ aficyjny prajs-list, raźmieščany na sajcie kłuba. Zaraz sajt «na rekanstrukcyi»
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary