Vyjšaŭ z druku doŭhačakany numar «ARCHE», pryśviečany Bitvie pad Oršaj.
Siońnia narešcie vyjšaŭ z druku numar № 12 za 2014 «Bitva pad Oršaj: miesca pamiaci i kanflikt interpretacyj». Vialikaja zatrymka z vychadam hetaha numaru pakazvaje ŭ pieršuju čarhu, kolki vysiłkaŭ redakcyi daviałosia prykłaści, kab jon pabačyŭ śviet. U vyniku atrymałasia publikacyja bolš čym na 750 staronak z 68 staronkami kalarovaha druku, jakaja prezientuje samy hruntoŭny na siońnia nabor navukovych viedaŭ na biełaruskaj movie ab pieradhistoryi Aršanskaj bitvy, a taksama pra abstaviny i chadu samoj siečy, jaje vyniki i značeńnie dla historyi Biełarusi i Jeŭropy. U numary – bolš za dva dziasiatki tekstaŭ historykaŭ ź Biełarusi, Rasii, Ukrainy, Litvy i Polščy.
Čamu bitva pad Oršaj tak važnaja dla nas? Jak słušna piša z adnym artykułaŭ numaru historyk Hienadź Sahanovič, «bitva pad Oršaj stałasia narožnym kamieniem u vybudovie sučasnaj biełaruskaj identyčnaści». Sprabujučy stłumić umacavańnie nacyjanalnaj identyčnaści ŭ krainie, łukašenkaŭski režym adkryta zabaraniaje biełarusam pamiatać pra hetuju losavyznačalnuju hieapalityčnuju padzieju pačatku XVI st., adnym z vynikaŭ ź jakoj było ŭstalavańnie adnosna stabilnaj uschodniaj miažy pamiž Vialikim Kniastvam Litoŭskim i Maskoŭskaj dziaržavaj, jakaja praisnavała bolš za paŭtysiaču hadoŭ i ciapier zbolšaha adpaviadaje miažy pamiž Biełaruśsiu i Rasijaj.
Poŭny źmiest numara dastupny TUT.
Vydańnie možna zamović, dasłaŭšy elektronny list na adras [email protected]. Cana (z ulikam dastaŭki) — 99 tys. rubloŭ.
Zamaŭlajučy vydańnie, u poli «Tema» treba paznačyć «Bitva pad Oršaj», a ŭ liście padać svaje dakładnyja kaardynaty: paštovy adras, indeks, proźvišča i inicyjały, telefon dla kamunikacyi.
Prapanova dziejničaje tolki na terytoryi Respubliki Biełaruś.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary