Vice-mer Minska Ihar Karpienka: treba ŭvieści adkaznaść za falsifikacyju historyi Druhoj suśvietnaj
Takuju dumku vykazaŭ namieśnik staršyni Minharvykankama, kiraŭnik kampartyi Biełarusi Ihar Karpienka na haradskim sieminary dla namieśnikaŭ kiraŭnikoŭ arhanizacyj i pradpryjemstvaŭ pa ideałahičnaj pracy.
Jak padkreśliŭ Ihar Karpienka, nielha dapuścić, kab histaryčnyja fakty pierakručvalisia, kab im nadavali zusim inšu afarboŭku, čužuju bolšaści biełarusaŭ. Heta sustrakaje adkrytaje nierazumieńnie z boku vieteranaŭ, a moładź praz skažeńnie historyi ryzykuje u niapravilnym śviatle ŭbačyć podźvih svaich dziadoŭ i pradziedaŭ.
«Vialikaja Pieramoha — nie prosta znamianalnaja padzieja, 70-hadovuju hadavinu jakoj nam treba budzie adznačyć. Heta maralnaja asnova farmiravańnia našaj suvierennaj niezaležnaj dziaržavy, — skazaŭ namieśnik staršyni Minharvykankama. — Ciapier nadyšła nieabchodnaść abaraniać praŭdu pra tuju vajnu. Skažam adkryta, kali čałaviek paklopničaje na inšaha, jaho mohuć padvierhnuć sudovamu pieraśledu, ale siońnia tak zvanyja dziejačy mohuć paklopničać na cełuju krainu, na cełyja pakaleńni, i im ničoha za heta nie budzie. Mahčyma, nadyšła nieabchodnaść na zakanadaŭčym uzroŭni zamacavać peŭnuju adkaznaść za falsifikacyju historyi Druhoj suśvietnaj i Vialikaj Ajčynnaj vajny, pastavić zasłon niedarečnym vykazvańniam chacia b u pamiać pra zahinułych i z pavahi da vieteranaŭ».
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary