A čaho dasiahnuŭ ty?
Vaśminoh Remba z akijanaryuma ŭ Oklendzie (Novaja Ziełandyja) zasvoiŭ fotaramiastvo. Zrobleny jaho rukami (dakładniej, macalcami) zdymak kaštuje turystam dva novaziełandskija dalary, raspaviadaje Cult of Mac.
Rebma navučyŭsia karystacca admysłovym fotazdymačom, što spuskajuć u jaho akvaryum, z treciaj sproby. «Chutčej za sabaku, — zaŭvažaje jaho trenier Mark Viete. — Nasamreč, i chutčej za čałavieka ŭ niekatorych vypadkach».
Padvodny fatohraf karystajecca kampaktnaj kamieraj Sony TX30. Pakul jon umieje tolki zdymać u aŭtarežymie — vaśminoh tolki naciskaje na čyrvonuju knopku spusku, kali pierad im pačynajuć paziravać.
Zastajecca nieviadomym, ci zachoŭvaje Remba aŭtarskija pravy na svaje zdymki pavodle novaziełandskich zakonaŭ, adznačaje Engadget. Hrošy, zaroblenyja na jaho fota, źbirajucca nakiravać na prahramu pa zachavańni marskoha žyćcia.
Vaśminohi i raniej ciahnulisia da fotatechniki — u minułym miesiacy vaśminoh skraŭ kamieru GoPro ŭ daśledčykaŭ Midłbery-kaledža ŭ ZŠA. Stać fatohrafam ci apierataram na poŭnuju staŭku jamu nie dali.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary