Mašyna ŭžo dastaŭlena ŭ horad Arciomaŭsk Danieckaj vobłaści. Jana budzie absłuhoŭvać Pieršy dobraachvotny špital imia Pirahova. Kaštavała jana 5500 jeŭra. Praŭda, sabrać stolki, kab całkam abstalavać mašynu ŭsim nieabchodnym dla sapraŭdnaha reanimabila, nie ŭdałosia. Heta zrobiać užo sami ŭkraincy.
«U mienie nariešti źjaviłaś normalna mašinka! «Ratavnica»)) krasunia)) spasibi biłoruśkim vołontieram», — napisała ŭ Fejsbuku ŭkrainka Aksana Ramaniŭ.
Ź inicyjatyvaj zboru srodkaŭ vystupili Andrej Stryžak, Alaksandra Alošyna i Volha Halčanka. Hrošy źbirali ŭ tym liku praz sacyjalnyja sietki.
Andrej Stryžak šmat času addaje na dapamohu ŭkrainskamu narodu. Fota z jahonaha Fejsbuka.
Jak piša Andrej Stryžak, mašynu nazvali pa-biełarusku — «Rataŭnica». A ŭ jakaści dadatkovych prykmiet na mašynie buduć nalepki ź bieł-čyrvona-biełym ściaham, Pahonia i ŭkrainski arnamient.
«Rataŭnicu» dastavili ŭ Danieckuju vobłaść.
Razam z mašynaj z Homiela ŭ Čarnihaŭ adpravili dapamohu, jakuju sabrali žychary Minska i Homiela u miežach humanitarnaj inicyjatyvy «Biełaruś-ATA», dla ŭciekačoŭ z akupavanych terytoryj Danbasa i dla siamiej paranienych i zabitych bajcoŭ ukrainskj armii.
