Ministr Aleh Śližeŭski: «Prysud čynoŭnicam miniusta — hańba dla mianie»

Ministr justycyi Aleh Śližeŭski prakamientavaŭ prysud čynoŭnicam svajho viedamstva.

Pavialičyć

— Biezumoŭna, heta dla nas, miakka kažučy, niepryjemnaja padzieja. Ja rasceńvaju heta jak hańbu, u tym liku, i dla siabie. Ale, viadoma ž, nichto nie zastrachavany. Z adnaho boku tut prysutničaje čałaviečy faktar, a z druhoha — važna minimizavać ŭmovy, jakija mohuć spryjać dla ździajśnieńnia karupcyjnych złačynstvaŭ. Nieabchodna pastavić supracoŭnika ŭ žorstkija ramki, kab jon nie moh ździajśniać dziejańni, jakija mahli b nasić niezakonny charaktar.

— Ci pryniaŭ Miniust niejkija zachady, kab nie dapuścić paŭtareńnia padobnaha?

— Što tyčycca tych padziej, jakija tyčacca pryniaćcia kvalifikacyjnych ekzamienaŭ u Ministerstvie justycyi, to, viadoma ž, adrazu ž byŭ pryniaty šerah arhanizacyjnych mier pa niedapuščeńni padobnaha ŭ budučyni. Dastatkova skazać, što na siońnia pytańni zdačy kvalifikacyjnych ekzamienaŭ dla atrymańnia atestata ryełtaraŭ, dla atrymańnia licenzii advakata ažyćciaŭlajucca ŭ elektronnym vyhladzie. Tut užo padtasavać abo dać pretendentu niejki kankretny pieralik pytańniaŭ prosta nierealna, bo heta robić kampjutar, jaki ŭ advolnym paradku i ŭ režymie realnaha času vydaje pieralik kankretnych pytańniaŭ u bilecie i tut ža, paśla adkazaŭ pretendenta, daje vyniki. Tut užo minimizavany čałaviečy faktar, što, na moj pohlad, źjaŭlajecca istotnym krokam napierad na šlachu papiaredžańnia padobnych dziejańniaŭ.

— U chodzie razhladu skandalnaj spravy hučała mierkavańnie, što adnym z faktaraŭ, jaki spryjaŭ uźniknieńniu karupcyi na važnym napramku dziejnaści Miniusta, źjaviłasia niejmaviernaja składanaść ekzamienaŭ, jaki nie mahli zdać navat ludzi z navukovaj stupieńniu. Vy zhodnyja z hetym?

— Ja z hetym nie zhodny. Biezumoŭna, ludziam časam ciažka pryznać niazdolnaść zdać ekzamien i chočacca pierakłaści adkaznaść na inšaha. Pry naležnaj padrychtoŭcy ŭsie hetyja ekzamieny całkam realna zdać. Ź inšaha boku, heta ahulnasuśvietnaja praktyka, kali atrymańnie adpaviednaj licenzii abo dopusku da peŭnych vidaŭ dziejnaści, ad jakoj zaležyć jakaść akazańnia pasłuh nasielnictvu — nie prosty ispyt. U zamiežnych krainach heta šmatetapnaja i niejmavierna składanaja pracedura dopusku da takoha vidu dziejnaści. Ja liču, što heta nie drenna, što zdavać i atrymlivać dopusk dla takoha vidu dziejnaści, jak akazańnie ryełtarskich abo advakackich pasłuh, nie tak prosta. Heta aznačaje, što ludzi, jakija prajšli tak ekzamien, nie tolki majuć adpaviednuju kvalifikacyju, ale i dastojnyja zajmacca hetym vidam dziejnaści. Tamu treba prosta hodna padrychtavacca i ŭsio całkam realna budzie zdać.

— U pracesie rasśledavańnia kryminalnaj spravy byli anulavanyja licenzii mnostva ryełtaraŭ i advakataŭ, jakija zdavali ekzamieny za chabar. Jany buduć mieć mahčymaść pierazdać i viarnucca ŭ prafiesiju?

— Tak, i takija fakty ŭžo jość. Šerah asob, jakija raniej ekzamienavalisia za chabar i byli pazbaŭlenyja atestacyi, ciapier užo paśpiachova zdali ekzamieny i atrymali va ŭstanoŭlenym paradku adpaviednyja atestaty.

• 0
• 0
• 0
• 0
• 0