U Śledčym kamitecie Biełarusi rasśledujecca kryminalnaja sprava ŭ dačynieńni da arhanizavanaj hrupy, jakaja vykradała ŭ davierlivych ludziej bujnyja sumy hrošaj pad markaj udziełu ŭ ździełkach pa kupli ałmazaŭ z Namibii.
51-hadovy žychar Hrodzienskaj vobłaści nie tolki stvaryŭ ustojlivuju złačynnuju hrupu, u kožnaha ŭdzielnika jakoj była svaja peŭnaja rola, ale i raspracavaŭ chitry płan padmanu i kradziažu hrošaj.
Dla patencyjalnych pakupnikoŭ stvaraŭsia vobraz ludziej, zdolnych akazać dapamohu ŭ nabyćci namibijskich ałmazaŭ. Złamyśniki raspaŭsiudžvali padmannyja źviestki ab pracy ŭ minułym u konsulstvie Biełarusi ŭ Namibii i najaŭnaści suviaziaŭ z asobami, jakija zajmajucca zdabyčaj i prodažam ałamazaŭ u hetaj afrykanskaj dziaržavie.
Dla tych, chto sumniavaŭsia ŭ praŭdzivaści infarmacyi i nie śpiašaŭsia addavać usiu sumu hrošaj na kuplu ałmazaŭ, machlary arhanizoŭvali pajezdki ŭ afrykanskuju krainu, dzie demanstravali nabytyja nibyta za pieradadzienyja im srodki «ałmazy».
Zatym, kab advieści ad siabie padazreńni i stvaryć bačnaść vykanańnia sa svajho boku ŭsich dahavornych abaviazacielstvaŭ u poŭnym abjomie, złamyśniki abvinavačvali paciarpiełych u parušeńni tych ci inšych damoŭlenaściaŭ, dasiahnutych pamiž bakami.
Pa takoj schiemie hrupa dziejničała z 2011 hoda pa 2014-y.
Zaraz pa kryminalnaj sprav zatrymanyja arhanizatar i dvoje jaho saŭdzielnikaŭ. Im vystaŭlenyja abvinavačvańni na padstavie č. 4 art. 209 KK (machlarstva, učynienaje ŭ asabliva bujnym pamiery). Usie troje ŭziatyja pad vartu.
Pryčynaj dla raspačynańnia kryminalnaj spravy stali materyjały pravierki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
Śledstva prosić usich, chto vałodaje infarmacyjaj ab supraćpraŭnaj dziejnaści abvinavačvanych, paviedamić pra heta.
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio3
Kamientary