Niahledziačy na niaprostuju źniešnieekanamičnuju situacyju, usie abaviazacielstvy dziaržavy pa sacyjalnych raschodach u 2015 hodzie buduć vykanany ŭ poŭnaj miery. Ab hetym zajaviŭ siońnia žurnalistam premjer-ministr Biełarusi Andrej Kabiakoŭ.
Premjer zhadziŭsia z tym, što niestabilnaja źniešnieekanamičnaja kanjunktura akazvaje niehatyŭny ŭpłyŭ na dachodnuju častku biudžetu krainy. Pavodle danych Minfina Biełarusi, biudžet moža niedaatrymać z-za źnižeńnia cen na suśvietnych rynkach nafty da $1 młrd.
Pry hetym, adkazvajučy na pytańnie, jakija miery ŭ suviazi z hetym prymaje biełaruski ŭrad pa kampiensavańni vypadajučych dachodaŭ biudžetu i ci nie źmieniacca sacyjalnyja abaviazacielstvy biudžetu, Andrej Kabiakoŭ padkreśliŭ: «Abaviazacielstvy dziaržavy pa sacyjalnych raschodach (zarabotnych płatach, piensijach i inšych mierach sacyjalnaj padtrymki) buduć vykanany ŭ poŭnym abjomie». «Urad ab hetym zajaŭlaŭ u pačatku hoda, i ciapier ja paćviardžaju heta, - skazaŭ premjer-ministr. - Karekciroŭki ŭ hetym płanie adbyvacca nie budzie».
U cełym Andrej Kabiakoŭ adznačyŭ, što na siońnia zrobleny šerah dadatkovych zachadaŭ dla taho, kab pavialičyć abjomy pastupleńniaŭ u biudžet.
Heta pierš za ŭsio datyčycca vyvaznoj pošliny na kalijnyja ŭhnajeńni, pradaŭžeńnia dziejańnia PDV pa ŭvozimych impartnych tavarach, za vyklučeńniem tavaraŭ z krain Mytnaha sajuza, a taksama šeraha inšych pytańniaŭ, u liku jakich i praviadzieńnie dyvidendnaj palityki adnosna dziaržpradpryjemstvaŭ.
Akramia taho, urad peŭnym čynam prytrymlivaje raschody biudžetu, dadaŭ premjer. «U svoj čas heta moža być adlustravana va ŭdakładnieńni zakona ab biudžecie, ale pakul hetaha ŭdakładnieńnia niama, my adkładvajem realizacyju hetych raschodaŭ da taho momantu, pakul pa ich nie budzie pryniata rašeńnie, - adznačyŭ Andrej Kabiakoŭ. - Abo my palepšym našu dachodnaść i tym samym zmožam pravieści hetyja raschody, abo prymiem rašeńnie, što zusim nie budziem ich pravodzić».
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary