Usie dakumienty Minadukacyi, jakija rehłamientujuć praviadzieńnie ŭ 2015 hodzie ŭstupnaj kampanii, znachodziacca na jurydyčnaj ekśpiertyzie i buduć apublikavany ŭ bližejšy čas.
Ab hetym paviedamiŭ u čas anłajn-kanfierencyi «Ustupnaja kampanija - 2015» na sajcie BIEŁTA načalnik upraŭleńnia vyšejšaj adukacyi Ministerstva adukacyi Siarhiej Ramaniuk.
«Pakul ža mahu skazać, što ŭ metach bolš poŭnaha zadavalnieńnia patrebnaściej abituryjentaŭ praduhledžana raźviadzieńnie pa terminach pryjomu za košt srodkaŭ biudžetu (bolš rannija časavyja ramki) i pryjomu na płatnaj asnovie (bolš poźnija). Rehłamientavany časavyja ramki arhanizacyi pryjomu na sielskahaspadarčyja śpiecyjalnaści, pastupleńnie na jakija mahčyma tolki paśla zaviaršeńnia sielhasrabot», - raskazaŭ Siarhiej Ramaniuk.
U paraŭnańni z 2014 hodam pavialičany na 2 dni termin pryjomu dakumientaŭ na biudžet - z 8 pa 15 lipienia (ustupnyja ispyty va ŭstanovach vyšejšaj adukacyi projduć z 16 pa 21 lipienia), rehłamientavany terminy pryjomu dakumientaŭ, praviadzieńnia hutarki i zaličeńnia na vakantnyja miescy hramadzian Łuhanskaj i Danieckaj abłaściej Ukrainy (u adpaviednaści z ukazam ad 30 žniŭnia 2014 hoda numar 420) - z 26 lipienia pa 1 žniŭnia. Hramadzianie Łuhanskaj i Danieckaj abłaściej buduć udzielničać u konkursie na biudžetnyja vakantnyja miescy ŭ chodzie dadatkovaha naboru, paśla zaličeńnia hramadzian Biełarusi.
Pryjom dakumientaŭ dla hramadzian krainy na płatnaj asnovie ŭ VNU projdzie z 8 lipienia pa 2 žniŭnia.
Hramadzianie Łuhanskaj i Danieckaj abłaściej zmohuć udzielničać u konkursie na atrymańnie vyšejšaj adukacyi na ŭmovach apłaty, praduhledžanych dla biełaruskich hramadzian, - pa 15 kastryčnika.
Praduhledžana zadavalnieńnie intaresaŭ abituryjentaŭ, jakija nie prajšli pa konkursie na śpiecyjalnaści, što patrabujuć śpiecyjalnaha prafiesijnaha adboru (tvorčyja, vajennyja). Dla ich ustanoŭleny bolš rannija časavyja ramki pryjomnaj kampanii
Kamientary