Maskoŭski akruhovy vajskovy sud prysudziŭ da dvuch hadoŭ kałonii-pasialeńnia 22-hadovaha hramadzianina Biełarusi, jaki pracavaŭ sistemnym administrataram na adnym z zavodaŭ u Nižnim Noŭharadzie. Pra heta paviedamlajuć rehijanalnyja ŚMI.
Małady čałaviek byŭ pryznany vinavatym pa artykule «publičnaje apraŭdańnie teraryzmu ci publičnyja zakliki da jaho», jakaja praduhledžvaje da piaci, a ŭ vypadku vykarystańnia ŚMI — da siami hadoŭ kałonii.
Jak śćviardžajecca, u kastryčniku 2014 sisadmin publikavaŭ na svajoj staroncy ŭ sacsietcy teksty i malunki, nakiravanyja suprać rasiejskaj ahresii na Ukrainie. U pryvatnaści, zajaŭlaje prakuratura, jon zaklikaŭ «zabivać maskaloŭ» i «viarnuć Krym Ukrainie». Siarod fota, źmieščanych na staroncy, była vyjava ŭkrainskaha sałdata, jaki rvie rasijski ściah i topča hierb.
Ci pryznaŭ padsudny svaju vinu, nie ŭdakładniajecca. Vidać, nie pryznaŭ, inakš by heta kaniečnie ŭkazali b.
«Naša Niva» šukaje dadatkovuju infarmacyju pra hetuju spravu.
