Pra heta napisaŭ u svaim fejsbuku biełaruski śviatar z Łondana a. Siarhiej Stasievič.
«Abrad pachavańnia mitrafornaha protajareja Alaksandra Nadsana adbudziecca u sieradu 29 krasavika.
Pachavalnaja słužba adbudziecca ŭ carkvie śviatoj Maryi va Uschodnim Finčli (St. Mary's church, 279 High Road, East Finchley, London N2 8HG. Hetaja carkva znachodzicca nasuprać bramaŭ mohiłak śviatoha Pankrata (Islington and St Pancras cemetery, Roman Road), kudy cieła ajca zatym budzie pieraviezienaje i addadzienaje ziamli. Pačatak abradu pachavańnia ŭ carkvie - 11.00.
Cieła ajca Alaksandra budzie dastaŭlenaje ŭ Maryjan Chaŭz jašče napiaredadni, 28 krasavika, dzie budzie dastupnaje dla raźvitańnia.
Dziakuj usim, chto dasłaŭ słovy spačuvańnia asabista mnie. Molimsia za supakoj dušy našaha ajca Alaksandra», — napisaŭ a. Siarhiej Stasievič.
Biełaruski śviatar a. Alaksandr Nadsan pamior 15 krasavika, jamu było 88 hadoŭ. Jon byŭ hreka-katalickim śviatarom, apostalskim vizitataram dla biełarusaŭ-katalikoŭ u zamiežžy, a taksama navukoŭcam i hramadskim dziejačom.
